Psa 9 | VulgJ | STEP | in finem pro occultis filii psalmus David victori pro morte filii canticum David

Psalms 9

1 in finem pro occultis filii psalmus David ^va 2 confitebor tibi Domine in toto corde meo narrabo omnia mirabilia tua ^va 3 laetabor et exultabo in te psallam nomini tuo Altissime ^va 4 in convertendo inimicum meum retrorsum infirmabuntur et peribunt a facie tua ^va 5 quoniam fecisti iudicium meum et causam meam sedisti super thronum qui iudicas iustitiam ^va 6 increpasti gentes et periit impius nomen eorum delisti in aeternum et in saeculum saeculi ^va 7 inimici defecerunt frameae in finem et civitates destruxisti periit memoria eorum cum sonitu ^va 8 et Dominus in aeternum permanet paravit in iudicio thronum suum ^va 9 et ipse iudicabit orbem terrae in aequitate iudicabit populos in iustitia ^va 10 et factus est Dominus refugium pauperi adiutor in oportunitatibus in tribulatione ^va 11 et sperent in te qui noverunt nomen tuum quoniam non dereliquisti quaerentes te Domine ^va 12 psallite Domino qui habitat in Sion adnuntiate inter gentes studia eius ^va 13 quoniam requirens sanguinem eorum recordatus est non est oblitus clamorem pauperum ^va 14 miserere mei Domine vide humilitatem meam de inimicis meis ^va 15 qui exaltas me de portis mortis ut adnuntiem omnes laudationes tuas in portis filiae Sion ^va 16 exultabo in salutari tuo infixae sunt gentes in interitu quem fecerunt in laqueo isto quem absconderunt conprehensus est pes eorum ^va 17 cognoscitur Dominus iudicia faciens in operibus manuum suarum conprehensus est peccator canticum diapsalmatis ^va 18 convertantur peccatores in infernum omnes gentes quae obliviscuntur Deum ^va 19 quoniam non in finem oblivio erit pauperis patientia pauperum non peribit in finem ^va 20 exsurge Domine non confortetur homo iudicentur gentes in conspectu tuo ^va 21 constitue Domine legislatorem super eos sciant gentes quoniam homines sunt diapsalma ^va 22 ut quid Domine recessisti longe dispicis in oportunitatibus in tribulatione ^va 23 dum superbit impius incenditur pauper conprehenduntur in consiliis quibus cogitant ^va 24 quoniam laudatur peccator in desideriis animae suae et iniquus benedicitur ^va 25 exacerbavit Dominum peccator secundum multitudinem irae suae non quaeret ^va 26 non est Deus in conspectu eius inquinatae sunt viae illius in omni tempore auferuntur iudicia tua a facie eius omnium inimicorum suorum dominabitur ^va 27 dixit enim in corde suo non movebor a generatione in generationem sine malo ^va 28 cuius maledictione os plenum est et amaritudine et dolo sub lingua eius labor et dolor ^va 29 sedet in insidiis cum divitibus in occultis ut interficiat innocentem ^va 30 oculi eius in pauperem respiciunt insidiatur in abscondito quasi leo in spelunca sua insidiatur ut rapiat pauperem rapere pauperem dum adtrahit eum ^va 31 in laqueo suo humiliabit eum inclinabit se et cadet cum dominatus fuerit pauperum ^va 32 dixit enim in corde suo oblitus est Deus avertit faciem suam ne videat in finem ^va 33 exsurge Domine Deus exaltetur manus tua ne obliviscaris pauperum ^va 34 propter quid inritavit impius Deum dixit enim in corde suo non requiret ^va 35 vides quoniam tu laborem et dolorem consideras ut tradas eos in manus tuas tibi derelictus est pauper orfano tu eras adiutor ^va 36 contere brachium peccatoris et maligni quaeretur peccatum illius et non invenietur ^va 37 Dominus regnabit in aeternum et in saeculum saeculi peribitis gentes de terra illius ^va 38 desiderium pauperum exaudivit Dominus praeparationem cordis eorum audivit auris tua ^va 39 iudicare pupillo et humili ut non adponat ultra magnificare se homo super terram

^va